وقفة
تربوية
أول
10 سنين فى حياة الطفل..هي الأساس في تكوين شخصيته طول حياته ... فلا تهملها..!
التربيه
الآن تختلف قطعا عن التربية زمان لأنه يوجد الآن تغيرات مجتمعيه وتكنولوجيه ومعرفيه كبيره حصلت..
فلا
يجوز أن نفعل مع أطفالنا مثلما كان يفعله أباؤنا معنا ، وكما قال سلفنا الصالح ( ربوا أبنائكم
علي غير ما تربيتم عليه فإن زمانكم غير زمانهم )
وهذه
بعض الأشياء فى نقاط مهمه وهي كالاتى :
1-
ابعد عن التدليل الزائد.. مش كل حاجه ابنك يطلبها تجيبهاله...لازم يفهم إن كل حاجه
لها وقتها..
ولما
يطلب منك 3 أو أربع حاجات..هاتله حاجه دلوقتى..واتفق معاه إنك هتجيله حاجه تانيه الأسبوع
الجاى او الشهر القادم..
الموضوع
مش مرتبط بمقدرتك إنك تجيبله ولا لا..الموضوع مرتبط ان تلبية كل الطلبات منطقيه كانت
او غير منطقيه هو أمر مضر جدا بشخصية الطفل .
2-
ده مش معناه انك مش هتجيبله اللى هيطلبه..هاتله كل اللى يطلبه بس على مراحل..لا يحرم
من شىء ولكن يتعلم النظام فى تلبية الطلب..الصبر..يفرح بالحاجه اللى تجيله بعد مجهود...هتفرق
جدا معاه فى شخصيته مستقبلا..
3-
خلية كل يوم يعتمد على نفسه فى حاجه معينه..يعنى مثلا يعمل ساندوتش لنفسه (خارج المطبخ)...يرتب
سريره..ينظف حذاءه..يرتب شنطة مدرسته..وبعد مايعمل ده..اعمل احتفال ليه كأنه عمل انجاز..وكافأه
واحكى الموقف ده لناس تانيه قدامه...هتزرع الثقه والاعتماد على النفس بشكل كبير فيه.
4-
خد رأيه فى حاجات كتير..وامشى على رأيه..مثلا لو ماشى معاه فى الشارع..قوله نمشى من
الطريق ده ولا من ده (هو لا عارف ده ولا ده)....بس هيقلك ده..امشى فيه وفهمه ان فعلا
ده كان صح وانت وفرت علينا مجهود كبير لاننا مشينا من هنا (أى كلام)...بس ده هيكون
مؤثر جدا بشكل ايجابى فى شخصيته..هيعرف يعبر عن رأيه ويثق فيه..وهيكون شخصيه مستقله
بشكل صحيح.
5-
خليه يحكى قصص..وسجله فيديو مثلا بالموبايل..وخليه يسمع نفسه وهو بيتكلم..وممكن توجهه
انك قلت كذا..والافضل تقول دى بالشكل الفلانى..وسجله تانى..وخليه يقارن بين الجديد
والقديم...هيتعلم بسرعه..هيعرف يعبر..هيعرف ان لو اخطأ فى فرصه للتعديل..هيبقى فخور
بنفسه..
6-
أى انسان حتى لو طفل..محتاج التقدير المعنوى..وبيكره التوجيه المباشر..وبيستنكر الهجوم
والتعنيف عليه..وبيبتعد عن اللى بيتسلط عليه فى المعامله..فخليك هين لين سهل قريب منه
.
7-
أعمل جدول معاه فى حفظ القران..واتفق معاه على هديه تجيبهاله فى كل سوره يحفظها..واعمله
احتفال كبير لكل جزء يخلصه..(ده ليك فى الآخره قبل مايكون ليه فى الدنيا).
8-
حسسه دائما انك معاه..وانه مايخافش من حاجه..وان اى حاجه تحصل هتكون معاه فيها ..الاحساس
بالاطمئنان مهم للصغار كما هو مهم للكبار.
9-
اديله جزء من الحريه فى تصرفاته..حتى لو شايفه بيعمل حاجه غلط..خليه يكملها..ويشوف
نتيجتها (وانت مراقبه)..وبعد مايخلص اتكلم معاه عن التصرف والنتيجه..
10-
علمه كلمات معينه يقولها..زى حاضر..نعم ..من فضلك..لو سمحت..شكرا..أسف..طور لغة كلامه
لطريقة راقيه من صغره.
ليست هناك تعليقات:
إرسال تعليق